2295/2025-2026

Siaha, November 19, 2025: Vawiin chawhnu dar 2 khan Krishi Vigyan Kendra (KVK) Siaha district-a thawktute leh loneitute chuan Prime Minister Narendra Modi-an Coimbatore, Tamil Nadu atanga a vawi (instalment) 21-na tura PM Kisan a semna hun chu biakhmuhtheihna kaltlangin KVK office Siahatla atangin an chhim.

He hun hi Dr. H. Vanlalhmuliana, Senior Scientist and Head, KVK Siaha chuan kaihruaiin Pu J. Vabeikiasa, Executive Member i/c Agriculture, Mara Autonomous District Council (MADC) chuan khuallian niin a hmanpui.

Khuallian Pu J. Vabeikiasa, EM, Agriculture, MADC chuan loneitute tana PM Kisan Samman Nidhi (PM-KISAN) Yojana pawimawhna leh thatzia sawiin, a dawngtute pawh a hmanna tur dik taka hmang theuh turin a chah. PM Kisan Samman Nidhi (PM-KISAN) Yojana hi Central Sector Scheme hnuaiah kum 2019 February 24 atangin kalpui tan a ni a, loneitu dawngthei chinte hnenah Rs. 6000 zel kum khat chhungin direct benefit transfer hmangin an account-ah instalment-in thun thin a ni.

PM Kisan semna hun chhim anih zawh hian loneitute hnenah zirtirna pek chhunzawm niin Pi S. Sisi, Subject Matter Specialist (Horticulture) chuan Integrated Farming System chungchangah zirtirna pein, Pu Isaac Lallawmkima, Subject Matter Specialist (Agronomy) chuan Natural Farming awmzia leh a thatna kalkhawmte hnenah a hrilhfiah bawk.

Pu Ravi Sharma, Programme Assistant (computer) chuan Prime Minister Pu Narendra Modi thusawi chu kalkhawmte hriatthiam theih turin Mizo tawngin a let a, Pi J. Vanlalhluzuali, SMS, Agriculture Extension chuan lawmthu sawina neiin hun tihtawp a ni.