3961/2023-2024

Dated Siaha 26th February 2024 : Vawiin chawhma dar 11:00 khan District Legal Services Authority, Siaha District -te buatsaihna hnuaiah ‘Skill Development for Prisoner’ hawnna inkhawm chu District Jail, Siaha ah hman a ni a. Pu Lalngaihmawia Zote, Judge, Fast Track Court -cum -Additional District and Sessions Judge, Siaha District chu khuallian ah tangin Pi. Lalhriatpuii, Secretary, District Legal Services Authority cum Chief Judicial Magistrate, Siaha District, Siaha chuan hun a kaihruai a ni.

Pi. Lalhriatpuii Secretary, District Legal Services Authority -cum- Chief Judicial Magistrate, Siaha District, Siaha chuan he Skill Development programme hi District Jail, Siaha a vawikhat neihna tur ani, a ti a . He programme atan hian trade 4 thlan niin - Arts, Handicraft, Barber leh Electric Wiring- te an ni a. Heng trade zirtirtu tur atan hian Jail Staff, tang convict tawh leh pawnlam mi te thlan an ni a ti. Skill Development for Prisoner’ programme- in a tum ber chu 'jail' tang te 'jail' atanga an chhuah hnua an mahni ke a an din theihna tura thiamna pek a nih thu a sawi.

Khuallian Pu Lalngaihmawia Zote, Judge, Fast Track Court -cum -Additional District and Sessions Judge, Siaha District - chuan District Legal Services Authority- in hetiang program an buatsaih chu tha a tih thu a sawi a. Jail -tang ten an tui zawng zawngte zir a, thiamna leh eizawnna tlak tak tak zir thiam tur a duhsakna hlanin fuihna thu a sawi a. Hlawhtlinna hi eng dinhmun atang pawha neih theih a nih thu tarlangin , Jail -tang ten he programme -hi tangkai taka hmang a, hlawkna an chhar chhuah vek theih nan duhsakna a hlan bawk a ni.

Pu. HC. Lallianvuta, Superintendent, District Jail, Siaha chuan he programme hmang tura rawn kal zawng zawng te chunga lawmthu sawina a nei a. Hetiang programme - 'Jail inmates' te hlawkna tura buatsaih a ni chu lawmawm a tih thu sawiin 'Jail inmates' ten he programme -hi hlawkpui taka hmang theuh turin duhsakna a hlan a. Jail tangte thil tisualtu ang mai chauha en lo va, an hlawkna tura programme an siam avangin District Legal Services Authority- te chungahlawmthu a sawi bawk a ni.