No.1577/2021-2022

Aizawl 27th July 2021: Aizawl DC chuan Sihhmui hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Sihhmui hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Sihhmui hmun tarlan te hi ni 27.07.2021 (Thawhlehni) Zing dar 4:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

SIHHMUI Containment Zone/Area:
a. Y Section : Airport kawng chung - Pu Vanlalliana in atanga Pi Lalthanzami in mual. (12 households)
b. Y & M Section : Airport Kawngthlang - Pu Thingsaia in atanga Presbyterian Biak In
mual zawng zawng huam telin Tuivawt tuikhur kawr chin. (42 households)
c. A Section :
* Airport kawng chhak - Pu Laltina in atanga Pu Sangluaia in thleng. (6 households)
* Airport kawng thlang - Pi Bawihziki In (1 household)
(Total Number of Household contained – 61)

Buffer Zone
Sihhmui M/S Mual, Airport kawng chhak lamah Pu Samuela in atanga Pu Zokaia In thleng. (11 households)