Vawiin khan Youth Hostel Association of India (YHAI) Mizoram Branch leh Indian National Trust for Art and Cultural Heritage (INTACH) Mizoram Chapter tangkawp hmalaknain State Level Seminar on ‘Climate Change’ I&PR Auditorium-ah neih a ni a. He sawihonaah hian Pu Lalkhama IAS (Rtd) Vice Chairman State Planning Board chu khuallian a ni.
Thusawiin khuallian chuan kan khawvel inher dan leh insiamrem dan zawng zawng Pathianin a nih dan tur ang taka a duan hi tihdanglam anih chuan chhiatna nasa tak kan chungah a thleng thei a. Chuvangin khawvel thiamna leh hmasawnna avanga sik leh sa lo danglam ta in a nghawng thil thalo tam tak lo thleng thei laka invenna leh hriatzauna atana sawihona neih hi a pawimawh hle a ni, a ti.
Keynote address petu Pu Lalbiakmawia Ngente pawhin sik leh sa inher danglam kan lo ralkhat thlir thin hi Mizote hian kan haider thei tawh lova, kan tu leh fate tana Mizoram nuam tak siam turin tun atanga hma kan lak a tul hle a ni, a ti.Mizoram mipuite hian ram leilung leh sik leh sa lo danglam meka a tha zawng leh a chhe zawng nghawng ah te hian mawhphurhna kan nei vek a, mimal hmalakna nen lo chuan sik leh sa danglam mek hi khawvel, Ram leh State level a han do hlawhtlin mai theih thil anih loh avangin, mipui mimir tena climate change hi kan hriatthiam a ngai bawk a ni.
Seminar hi hun hnih a then a ni a, chawhma lamah Pu Zoliana Royte, Chairman YHAI in a kaihruai a, chawhnu lamah chuan Pu Rinsanga IAS (Rtd) kaihhruaina hnuaiah sawihona (Panel discussion) hun hman a ni.
Keynote address petu Pu Lalbiakmawia Ngente pawhin sik leh sa inher danglam kan lo ralkhat thlir thin hi Mizote hian kan haider thei tawh lova, kan tu leh fate tana Mizoram nuam tak siam turin tun atanga hma kan lak a tul hle a ni, a ti.Mizoram mipuite hian ram leilung leh sik leh sa lo danglam meka a tha zawng leh a chhe zawng nghawng ah te hian mawhphurhna kan nei vek a, mimal hmalakna nen lo chuan sik leh sa danglam mek hi khawvel, Ram leh State level a han do hlawhtlin mai theih thil anih loh avangin, mipui mimir tena climate change hi kan hriatthiam a ngai bawk a ni.
Seminar hi hun hnih a then a ni a, chawhma lamah Pu Zoliana Royte, Chairman YHAI in a kaihruai a, chawhnu lamah chuan Pu Rinsanga IAS (Rtd) kaihhruaina hnuaiah sawihona (Panel discussion) hun hman a ni.
