Silai lei leh hralh chungchangah Home Department chuan a hnuai a mi ang hian thuchhuah a siam.

"Mi thenkhatten chanchinbuah silai an zuar tih hmuh thin a ni a. Arms Act leh Arms Rules-ah hian silai lei leh zawrh dan tur hi dan-leh-hrai fumfe tak inzam a awm a, hemi dan kalha zawrh leh lei hi khap tlat a ni. Dan lova silai lei leh zuar lo puitu chu dan hnuaiah na taka hrem theih a ni bawk.Miin Arm Licence hmanga silai a neih chu mi dang Arm Licence nei bawk hnenah chauh a hralh thei a, Licence nei lo hnena silai hralh hi dan kalh a ni. Arm Licence hi mimal hnenah dan-in a phut anga tlingte hnenah chauh pek thin a ni a, hralh chhawn theih pawh a ni lo. Miin ama Arm Licence leh chumi hmanga a kawl silai chu a hralh thiang lo tawp a ni. Mi thenkhatten an Arm Licence leh chumi hmanga silai an neih chu a rualin an hralh thin a, a leitu chuan dawt phuahchawpin Retainer Licence an siamtir leh thin tih hriat a ni a, hetiang ti thin hi man chhuah a nih chuan na taka hrem theih a ni bawk. Retainer Licence hi Arms Rule hnuaia Rule 13-naa a inziah ang chuan Arm Licence neitu chhung hnai te, aiawhte leh a mi chhawrte hnenah chauh pek theih a ni."