New Arms Rules, 2016, rule 18-in a tarlan ang leh kan hma lawka Mizoram General Election lo thleng tur inbuatsaihna atan Aizawl District huam chhunga silai licence nei, an Licence-a Unique Identification Number (UIN) nei tawh Renew lo te chuan an awmna hnaih ber Police Station-ah Silai leh Licence te tung/ dah vek tura hriattir an ni.
Arms Licence-a UIN nei lo Silai nei te chuan an awmna hnaih ber Police Station-ah an Silai leh Licence te tung/dah vek tura hriattir an ni.
Silai Licence nei tun thlenga silai la lei lo ten an silai licence Arms Branch, D.C. Office, Aizawl-ah dah vek tur a ni.
Silai Licence nei lova silai kawl hi dan phal loh a ni a, Dan lova silai kawl te chuan an awmna hnaih ber Police Station-ah tung/dah vek tura hriattir an ni. He hriattirna hi tunthla ni 20. 09. 2018 (September) ralhma ngeia tifel lo chu an Silai Licence te Rules 47,section 21 in a sawi angin an cancel sak an ni ang.
