Liaison Officer Silchar hnen atanga thu dawn danin  Shillong panna kawng, Karimganj- Malidahar leh Badarpurghat - Panchgram inkar kawng chhe lutuk siam tura vawi tam tak sorkara ngenna leh nawrhna ten awmzia a neilo nia an hriat avangin Students Union of Barak Valley huaihawtin heng kawngpui ah te hian lirthei engmah tlan tlang lo turin nimin January 7 zing dar 6 atanga tiam chin awm lovin bandh neih a ni a. Darkar 24 chhung Train service erawh chu a pangngaia tlan phal a nih laiin sorkar lam atanga thu lawmawm an hmuh loh erawh chuan kawngpui dan hi kalpui chhunzawm zel tum a ni tih leh he nawrhna hi NGO leh Pawl hrang hrang ten an thlawp tha hle tih thu Liaison Officer chuan a rawn thawn a ni.