4144/2024-2025

Saitual, the 8th February, 2025: Silent Period chungchangah Saitual Bawrhsap Dr. Lalngura Tlau chuan a hnuaia tarlan ang hian thu a chhuah:

General Election to Village Council, 2025 felfai tak leh muanawm tak kan neih theih nan campaign chungchanga Saitual District- a awm campaigners, political party mi leh sa leh Saitual District mipuite zawm tur hriattirna siam a ni. 

Representation of the People Act, 1951 section 126 chuan vote thlak hun tawp atanga chhiar leta darkar 48 (i.e. ni 10.02.2025 tlai dar 4:00 atanga ni 12.02.2025 tlai dar 4:00) chhung hi Silent Period’ ah a puang a. He darkar 48 chhung hian inthlan kaihhnawih thila vantlang inkhawm khap tlat a ni a, State Election Commission emaw District Election Officer, Saitual in phalna a pe a nih loh chuan, mi tumahin inthlan kaihnawih thil Television-ah emaw Print Media/Social Media-ah emaw mipui hmuh theih turin an phochhuak tur a ni lo. He thupek zawm lote chu kum hnih thleng lungin tantir emaw lei chawitir emaw, a pahniha hrem theih an ni. 

Silent Period hman anih atangin Campaign period a tawp a, mipuite tan rilru fim leh ngaihtuahna thiang an lo neih theih nan hman a ni thin a, he hun hi tha taka zawm a nih theih nan Candidates leh Political Parties te pawh an lo inruahman lawk tur a ni. Silent Period hman a nih hnuah Political Party tinte campaigners chuan Saitual District-ah vote an nei a nih loh chuan Saitual District an chhuahsan tawh tur a ni. Candidates, Agents te erawh hei hian a huam lovang.