Sawrkar laipui a Science & Technology bul tumin Mizoram Council of Science & Technology leh Paschimbanga Vigyan Mancha (PBVM), Kolkata tangkawp chuan ni hnih awh Simeikhu ISON chanchin zirchianna ‘State Level Workshop on Comet ISON’ chu ni 27 leh 28 November 2013 khan Berawtlang-a Mizoram Science Centre-ah an nei. He workshop ah hian Dr. Arvind C Ranade, Scientist D, New Delhi leh Dr. Partha Ghosh, PBVM, Kolkata ten zirtirna an pe a, Arsi chanchin zirmi zirna in hnang hranga zirtirtu leh zirlaiten riaklutin zirchianna an nei a ni.

He simeikhu Russia Amateur Astronomer pahnih Vitali Nevski leh Artyom Novichonok ten September ni 2, 2012-a hmuh chhuah, a hmuhchhuahna telescope International Scientific Optical Network (ISON) hming chawia ISON tih tak hi a vawi khat rawn lanna niin rawn langnawn leh tawh miah lo tur chi a ni. He simeikhu hi zing khawvar hma darkar khat vel chhung a lang thei a, November ni 28 hi Ni a hnaih lai ber niin ni 29 November atang chuan ni kalpela thlawk bo leh tura rin a ni.