Mizoram thalaite tan Masimpur Military Station Assam-ah Indian Army tan Sipai Lak Runpui (Recruitment Rally) October ni 18 – 21 inkarah buatsaih a ni dawn a.
Rally ah hian Soldier(General Duty); Soldier(Technical); Soldier(Nursing Assistant) leh Soldier(Clerk/Storekeeper) te lak a ni dawn a. October ni 18 ah Soldier(General Duty) atan Lunglei, Serchhip, Lawngtlai leh Saiha District a chengte leh October ni 19 ah Soldier (General Duty) vek tan Aizawl, Mamit, Champhai leh Kolasib District a chengte chu an intlar thei ang a. October ni 20 ah sipai tanglai fate, sipai pension tawh fate, sipai pasal sun tawh hmeithai fate, NCC ‘C’ Certificate nei te leh infiam mite an intlar thei ang a. (District zawng zawng). Hemi ni vek hian Soldier(Technical); Soldier(Clerk/Store Keeper); Soldier(Nursing Assistant) dil duh te chu an intlar theih bakah Defence Service Corps (DSC) bang tawh te pawh hemi ni vek hian an intlar thei ang. October ni 21-a he Rally a tling te chu an Document leh an hriselna (Medical) endik a ni ang.
He sipai lak runpui atan hian a hma ah dilna thehluh hran a ngai lova, an ni a intlar mai tur a ni ang. Soldier(General Duty) chu Pawl 8 pass chin tan dil theih niin kum bithliah chu 17 leh a chanve – 21 inkar a ni ang. Soldier(Technical) leh Soldier(Nursing Assistant) te tan chuan 10+2(Science) leh Soldier(Clerk/Storekeeper) tan chuan 10+2(Arts, Science leh Commerce) chin tan dil theih niin kum bithlaih chu 17 leh a chanve – 23 inkar a ni ang.
Hrechiang duh tan Army Recruiting Office, Supply Point Zemabawk ah zawhfiah theih a ni a. He Office phone no. te chu 0389-2351166 leh 2351518 te a ni. Aw record sa –Integrated Voice Response System hmangin phone no. 0389-2350141 ah a zawhfiah thei bawk a ni.
