1340/2022-2023
Aizawl the 25th July, 2022 : Kumin October ni 4 - 9, 2022 chhung hian Rajiv Gandhi Stadium, Mualpui ah Sipai (Agniveer) lak runpui neih a ni dawn.

Vawiin khan Dr. Lalhriatzuali Ralte, DC Aizawl hovin Sipai lak runpui neih tur atana inbuatsaih dan tur chungchangah department kaihhnawih hrang hrangte nen sawihona hun neih a ni. Army Rally hriattirna hi August thlaah chhuah a ni ang a, online in emaw form hmangin dilna thehluh theih ani ang. Form hi District Sainik Office, Assam Rifles office leh Common Service Centre (CSC) ah te lak leh in register theih a ni ang. Form leh in register na man hi a thlawn tur a ni.