Ni hnih chhung chama Mizoram rawn tlawh Lt.Gen V.K.Singh, PVSM, AVSM, VSM, General Officer Commanding in Chief ( GOC - in -C) Eastern Command chuan nizan khan Chief Minister Pu Lal Thanhawla chu a chenna Bungalow, McDonald Hill, Zarkawtah a hmu a. Mizoram chu International border hmun pawimawh taka awm anih avangin venhimna lam chungchang an sawi dun a. Mizoram chu India Hmarchhak State te zingah ralmuanna lam leh hmasawqnna lama hmahruaitu nia a hriat thu Lt Gen V.K.Singh chuan Chief Minister chu a hrilh a. Mizoram chu ram ngainatawm tak anih avanga lokal leh anih thu a sawi bawk a ni.

 

 

Chief Minister a hmuh zawh hnu hian Lt Gen V.K.Singh hian Mizoram Governor Lt.Gen (Rtd) M.M.Lakhera, PVSM,AVSM,VSM nen inkawmna hun tha tak an nei dun leh a. Governor chuan Mizorama Assam Rifles te inpekna chu fakawm tiin, civil mi te tan pawh nasa taka hna an thawh thu Khual Tha chu alo hrilh a ni.

Mizorama a cham chhung hian Lt Gen V.K.Singh chuan Aizawla Mizoram Range Assam Rifles hmun te tlawh kualin, tukin zing khan Lunglei leh Serchhip te a tlawh bawk a ni.

Lt Gen V.K.Singh hi sipai hotu tho Lt Gen Nand Kishore Singh, AVSM, VSM, General Officer Commanding 3 Corps in a rawn tawiawm a ni.