State Institute of Rural Development & Panchayati Raj (SIRD&PR), Mizoram leh National Institute of Rural Development & Panchayati Raj (NIRDPR), Hyderabad tangkawp buatsaih ni 4 chhung (October ni 30 atanga November ni 2 thleng) ‘Certification of State level Master Resource Persons Training’ chu vawiin khan SIRD&PR Auditorium, Durtlang Leitan-ah neih tan a ni a. Local Coordinator Pu John Lalnunsanga, Faculty (SM), SPRC chuan training hawnna kaihruaiin Pu Khawlsiamthanga Khawlhring, Deputy Director, SIRD&PR chuan Training Programme hi a hawng. 

Training-ah hian mi 47 vel an tel a, NIRDPR Hyderabad lam aiawhin Course Director Pi Neelam Kumari chu he training hmanpui turin a lo kal bawk a ni. Mizoram University leh Govt. Aizawl College atangin Resource Person leh Trainees te endiktu (Master Assessor) tur mithiam rawih an ni bawk.