No.6159/2020-2021

Aizawl, the 16th September 2020 : State Institute of Rural Development & Panchayati Raj (SIRD&PR) Mizoram, buatsaih kar hnih chhung awh cement mistiri training ‘Skill Development Training for Building Construction Workers(Mason)’ Khawlailung-a tun thla ni 5 a tan chu vawiin khan a tiak a. Training hi Pu Lalhmunsanga Hnamte. Director, SIRD&PR chuan Online Video Conference hmangin an office Durtlang atangin a hawng a vawiin khan a kharna hun Khawlilungah neih a ni a, training chhuak te hi Certificate hlan vek an ni.

He training chhung hian Practical uluk taka neihpui niin Kohhran Biak In sak leh Mimal in sak te, Septic Tank siam te leh Construction kaihhnawih a kim thei ang bera zirtir an ni. Heng bakah hian Theory Class uluk taka neih pui niin In sak dan dik leh tha, hmanraw tha thlan dan leh hman dan dik te zirtir an ni bawk.

SIRD&PR Mizoram hian hetiang training atan hian hma nasa taka la in, tunah hian Thingsulthliah-ah pawh neih mek a ni a. Hemi bakah Tlungvel leh Mizoram hmun hrang hrang ah hetiang training hi buatsaih tum a ni a. Core Team, Skill Development Framework : Hnahthial District te nen tang tlangin Hnahthial-ah te Skill Development Training hi buatsaih tura hmalak mek a ni bawk.

He training hi Er. C. Lalthlansanga. Core Faculty (RE), Course Director kaihhruaina hnuaiah neih niin Course Director bakah hian Pu Zomawia Hauhnar, Faculty, SPRC leh Pu LR Lalrinmawia Hnamte. Faculty, DPRC ten Khawlailung khua-a thalai rual mi 42 te zirtirna an pe a ni.