No.5803/2020-2021

State Institute of Rural Development & Panchayati Raj (SIRD&PR), Mizoram chuan Mizoram hmun hrang hrang ah Training a buatsaih a. Village Council (VC) thlan thar te tan “Foundation Course for Newly Elected Village Councils” training hi Hnahthial, Aibawk, Darlawn, Kolasib leh Reiek ah te vawiin 6.10.2020 hian neih tan a ni a. Heng training te hi DC, DLAO leh BDO ten an hmanpui a ni.

Vawiin (6.10.2020) khan SIRD&PR, Durtlang Leitan-ah RGSA hnuaia PMU Staff te tan “Orientation Training for e-District Programme Management Unit Staff on e-Gram Swaraj” neih tan a ni bawk.

“Foundation Course for Newly Elected Village Councils” kar hmasa lam khan Lunglei Town area chhunga Village Council thlan thar te tan buatsaih a lo ni tawh a. Kar thar lamah hian Champhai, Khawzawl, Serchhip, Tlabung leh Lungsen-ah te buatsaih a ni leh bawk ang.

Heng bakah hian, naktuk 7.10.2020 atang hian Khawlailungah East Lungdar Block huamchhunga thalai rual te tan “Training on Skills Development for Rural Youth” neih a ni bawk dawn a ni.

Heng training-ah te hian Sorkar thupek angina Pandemic hrileng laka invenna tur sorkarin inkaihhruaina dan a zam te chu tha taka zawm a ni.