839/2026-2027
Aizawl the 4th June, 2026: Mizoram State Council for Technical Education (MSCTE) in May ni 5, 2026 (Thawhlehni)-a State Medical and Technical Entrance Examination (SMATEE) 2026 a buatsaih a candidate zawng zawngte Provisional Result chu an mark hmuh that dan indawt (merit list) in June ni 3, 2026 khan a tichhuak. Result hi website: https://dhte.mizoram.gov.in. ah en theih a ni a. SMATEE 2026 provisional result chungchangah sawiselna nei emaw tihdikna siam duh chuan result chhuah ni atanga ni 10 ral hma in Joint Director (Technical), Technical Wing, H&TE, Chaltlang, Aizawl ah complaint thehluh tur a ni. Complaint dawn te bawhzui fel a nih hnu ah final result chhuah a ni ang.
Office order No.45011/2/2025-JDT(HTE)/132 dated Aizawl, the 7th May, 2026 hmangin SMATEE 2026 Answer Keys tihchhuah a ni a, hei pawh hi office website ah leh Directorate of Higher & Technical Education and Technical Wing Office-a Notice Board ah tarchhuah a ni. May ni 7 - ni 14, 2026 inkara challenge window hawn chhung khan answer key chungchangah 'challenge' engmah dawn a ni lo.
Merit List hi mark hmuh that dan indawt a siam a nih laiin hmun thenkhatah candidate zingah total mark inzat chiah chiah an awm thei a. Hetiang dinhmun a thleng a nih chuan a hnuaia 'tie-break rules' hi hman thin a ni:
(a) Biology (for PCB) emaw Mathematics (for PCM) emaw a mark hmu tha zawk chu a rank a sang zawk ang.
(b) Biology (for PCB) emaw Mathematics (for PCM) emaw a an mark hmuh a inang chiah chiah a nih chuan, Chemistry-a an mark hmuhin an rank a hril ang.
(c) Biology (for PCB) emaw Mathematics (for PCM) leh Chemistry-a an mark hmuh a inang zel a nih chuan, Physics-a an mark hmuhin an rank a hril ang.
(d) Biology (for PCB) emaw Mathematics (for PCM) leh Chemistry bakah Physics-a an mark hmuh a inang zel a nih chuan, candidate kum tam zawk (upa zawk) duhsak zawk a ni ang.
(e) Criteria (a),(b),(c), leh (d) hmanga an dinhmun chinfel theih a nih loh zel chuan tied candidate-te hian rank inang an nei ang.
SMATEE 2026 a OMR answer sheet te hi khawl a endik (graded) a ni a; Information Brochure a inkaihhruaina clause 9 in a sawi angin re-evaluation emaw re-checking tih a ni tawhlo ang. Amaherawhchu Information Brochure clause 11 in a sawi angin OMR sheet photocopy chu dilchhuah theih a ni a. Online choice filling tih hun tur chu official website https://dhte.mizoram.gov.in kaltlangin hriattirna la chhuah a ni ang.
OVERALL ABSTRACT for SMATEE 2026:
1. No. of Candidates : 495 (Male) + 1459 (Female) = 1954
2. No. of Candidates appeared : 450 (Male) + 1360 (Female) = 1810
3. No. of Candidates absent : 45 (Male) + 99 (Female) = 144
4. No. of Candidates Expelled : NIL
