Naktuk ni 29.6.2011 dar 11:00 AM hian Mizoram State Tobacco Control Society (MSTCS) buatsaihin Chief Minister Banquet Hall-ah 'Declaration of Smoke Free Mizoram hman a ni dawn. He hun hi Pu S. Laldingliana, Parliamentary Secretary Chairman na hnuaiah hman a ni ang. He hunah hian Pu Lal Thanhawla, Chief Minister chu khuallian a ni ang a, Pu Lalrinliana Sailo, Health Minister chu khual zahawm a ni bawk ang. He hun hmanpui tur hian sorkar department hrang hranga hotute sawm an ni. Hemi ni vek hian MSTCS leh Indian Society on Tobacco and Health (Mizoram Chapter) tangkawpin an buatsaih vaihlo that loh zia lanna short film intihsiakna lawmman semna hun neih a ni bawk ang. He hun buatsaih a nihna chhan chu Mizoram chhunga puipunna hmun hrang hrangte meizuk lohna hmuna puan leh chak zawka puipunna hmuna meizuk khuahkhirhna dan kalpui a, dan bawhchhiate chunga hremna dan lehkawh hi a ni.