Vawiin atang khan ni 3 chhung awh tur Aizawl District chhung District Resource Persons te tana Mahatma Gandhi NREGS leh IAY – a Social Audit neih dan tur training chu I & PR Conference Hall, Aizawl ah SAU, R.D Deptt. chuan a nei .
He training hi Ministry of Rural Development, Government of India atanga buatsaih niin, training pe tur leh Social Audit nei chhunzawm nghal turin Dr. K. Anuradha, Consultant, NIRD & PR, MoRD a rawn kal in training hi a neihpui .
Dr. K. Anuradha chuan ‘Central sorkar chuan Social Audit hi a ngaih pawimawh thu sawiin a hranpaa Rules siam hnuah state sorkar ten Central sorkar beisei anga an kalpui that loh avangin Social Audit neih dan leh kalpui dan tur zirtir a, vilzui a ngaihthu leh chu chu ngun taka vil zui tur a nih thu a sawi bawk.
Training chhung hian Samtlang khuaah MGNREGS leh IAY an kalpui dan a hmunah an endik ang a. Tin, Karleh Thawhtanni atangin Maubuang, Thiak. Sumsuih, Chamring, Hmuifang khuaah te Social Audit hi neih nghal tur a ni. Ni 4 chhunga Social Audit neih a nih hnuah an thil hmuhchhuah te sawikhawm turin karleh Zirtawpni hian ‘Exit Conference” koh leh a ni ang, chutah chuan Official lam leh Auditors ten an sawiho leh dawn a ni.
He Training kaihruaitu Pu Laltharmawia, Director, Social Audit Unit, R.D Deptt. chuan “Social Audit chu mi diklohna hai chhuah tum ngawr ngawrna ni lovin, thudik haichhuahna hmanrua a ni” a ti a, ‘sum lama harsatna hrang hrang avangin duh anga Mizoram-ah pawh Social Audit kalpui chak a harsat thu a sawi, tha taka ti turin Trainees te chu a sawm.
