2613/2025-2026

Aizawl, 11th December, 2025 : Vawin khan Directorate of Social Welfare hnuaia Ruihtheihthil/Drugs lam buaipuitu Mizoram Social Defence and Rehabilitation Board (MSD&RB) leh Health & Family Welfare Department tangkawp chuan Accredited Social Health Activist (ASHA) Workers te tan ni hnih awh tur “Two days capacity building program on drug abuse prevention for ASHA Workers” chu MSD&RB Training Hall, Chaltlang Dawrkawn ah an buatsaih.

He hun hi National Institute of Social Defence (NISD), New Delhi leh Nasha Mukt Bharat Abhiyaan Aizawl District te nen tangkawp a buatsaih tel a nih bawk avangin MSD&RB hnuai a State Level Co-ordinating Agency (SLCA) a zirtirna pe thin tute chu he training ah hian Resource Person an ni a. Ruihhlo leh ngawlveina chungchang te, thluak a ruihhlo hnathawh dan te,ASHA workers te tana heng ruihhlo dona kawng a an mawhphurhnate leh Life Skills chungchangah zirtirna pek an ni. He hunah hian Aizawl District chhunga veng hrang hrang atang ASHA Workers mi 24 in training an nei a ni.