47/2026-2027

6th April, 2026: Vawiin khan Social Welfare Department hotute leh Mizoram Synod hotuten an enfiah a. Social Welfare Department hi Joint Secretary Pi Zonunthari hovin offial 5 an kal a, Mizoram Synod lam hi Moderator Rev John Raldosanga bakah Synod Social Front atangin Rev K. Lallawmzuala, Executive Secretary, Rev P. Zohmangaiha, Secretary, Rev. Lalrinmawia leh member dang mi 3 an kal a ni.

Jordan Center hi Mizoram Sorkar chuan Mizoram Synod enkawl turin inremna kum 15 atan a lo ziah pui tawh a. A hmunhna, building leh a chhung bungrua awm te hi a nih ang ang a inpek turin an lo inrem tawh a ni.

Jordan Center ah hian Qtrs building 9, chhungkaw 30 vel awm theihna te, Office building, damdawi in bakah hmeichhia leh mipa ruihhlo ngai enkawlna hmun a hrang ve ve fencing tha tak nen a awm a. Ministry of Social Justice & Empowerment norms leh guidelines anga din a nih avangin building hrang hrang Counselling, detox, recreation, dorm, chapel etc a awm kim hle.Tin bungrua hi a awm tha hle bawk a, training equipments pawh tamtak a awm Sa abawk. Building te hi lian vak lo, a hrang hrang a nih avangin tun dinhmunah mi 70-100 bak an leng lova. A za aiin building hand over tur hi 40 a awm a ni Repair ngaite leh thil mamawh belh te enho nghal a ni a. Synod lam hian June thla SEC ah an kalpui dan tur hi an rel fel dawn a ni.