No.7252/2020-2021 

Social Welfare Minister Dr K. Beichhua chuan vawiin tlai khan gravity-a Siaha khawpui tui lakna tur a hmunah tlawhin a enfiah.

Gravity-a Siaha khawpui tui lakna tur hi, Augmentation of Urban Water Supply Scheme, Siaha tih niin, NABARD atanga cheng vaibelchhe 8 hmuh a ni. 

Siaha bialtu MLA ni bawk, Social Welfare Minister Dr.K. Beichhua chuan tui lakna thar kan nei leh tur chu lawmawm a tih thu sawiin, project puitlin a nih hun chuan Siaha khawpuiin tui indaihlohna avanga harsatna kan tawh thin te a ziaawm tawh a beisei thu a sawi. 

PHE Watsan Division, Siaha EE Er. H. Lalnunthanga chuan hna an thawh thuai theih a beisei thu sawiin, Guwahati atanga pipe an chah te pawh an rawn thawn chhuah tan tawh thu leh, fur tlak hmaa peihfel hman a beisei thu a sawi. 

Augmentation of Urban WSS Siaha atan hian PHE Siaha ten tui an lo lak tawhna lui hnar 5 atanga tui lakna thar siam tur a ni a, pipe lian 100 mm leh 65 mm te hman tura ruahman a ni. Tui tam lai chuan Siaha khawpui chawm zo tura beisei a ni tih department official te chuan an sawi. 

Tui lakna tur enfiahnaah hian Minister Dr.K. Beichhua hi Siaha PHE department official te leh party miten an tawiawm a ni.

Attachment

  • Loading attachment...