2645/2022-2023
Aizawl , the 14th November 2022: Vawin khan Social Welfare Minister Dr. K.Beichhua chuan Mizoram State Child Protection Societies leh Medhavi Foundation buatsaih Children's Day Inauguration function Millennium Centre rooftop Aizawl ah a hmanpui.

He Inauguration program ah hian Social Welfare Minister chuan naupang te ni a nih anga hlim taka hmang turin a duhsakna a hlan a. Children's day chu UNO in a ngaih pawimawh thu sawiin UN ah chuan November ni 20 ah hman thin ni mahse India chuan Jawaharlal Nehru pian cham denchhenin ni 14 ah a hmang a ni a ti.

Pu Dr K Beichhua chuan naupang hamthatna tura puitling ten kan tih theih zawng zawng kan tih hi Children’s day in a tum a ni a ti a. India Prime Minister hmasa ber Pu Nehru pawhin India rama naupang te uluk taka kan enkawl chuan India chu ram ropui leh ram hmasawn a ni dawn a ni , a tih thu a sawi.

Mizoram that leh chhiatah naupang ten mawhphurna an neih thu sawiin, Khawvel ram changkang apiangah naupang dinhmun a tha a ni ati a. Naupang te dikna humhalh a an laka hleilenna tihtawp te, kum tling lo hnathawka chhawr tihbo te chu kan mawhphurna a ni a ti. Naupang lo kal khawm te hnenah chuan an nu leh pa thu an awih chuan hlawhtlinna sang tak tak an chang thei tih a sawi bawk.

Minister hi Social welfare and Tribal Affairs Secretary Arun Mishra chuan tawiawmin naupang te chu kan society a pawimawh ber an ni a ti a, naupang te chuan anmahni an nihna ang tur taka an than chhoh theih nan an rilru leh taksa mamawh te an dawn a ngai a chumi kawngah chuan a enkawltu te kan pawimawh hle a ni a ti.

He ni pual hian naupang te tanin tihhlimna buatsaihin Stall engemawzah hawn a ni a, naupang engemawzat an lo kal khawm a ni.

Medhavi Foundation hian skill training an kalpui thin a, kum 18 tling tawh te hnenah hnathawh tur an buaipuisak bawk thin.Kum 2017 atang State Child Protection nen Children's Day Inauguration hi an kalpui tawh a, he hun hi Aizawl district bakah District dangah pawh vawin hian hman a ni.He program a tel tur hian Children's Home zawng zawng sawm tel an ni bawk.