No.2443/2020-2020

Ministry of Tribal Affairs atanga Social Welfare Department-in Saikao khua, Lakher Pioneer Mission hmunpui leh Sap Missionary te sulhnu humhalhna atana phalna a rawn pek tawh, Preservation of Heritage Land at Serkawr project kalpuina tur a hmunah tlawhin a enfiah nghal.

Saikao khawtlang hruaitute nen an inkawmnaa an khawtlang mamawh an rawn thlente chu Dr. Beichhua chuan a remchan anga lo bawhzuisak a tum thu a sawi.

Zyhno khua a tlawhna-ah hian Community Handloom Centre project kalpui tur chungchangah khawtlang mipuiin lawmthu sawina hun an buatsaihah, thuchah sawiin; Dr.K. Beichhua chuan Zyhno khua chu khaw taima, khaw entawntlak an nih thu tarlangin, handloom project pawh hi an thawhrimna hlawhchhuah a ni, a ti.

Zyhno khuaa hun a hman hnuah Tipa 'V' a tlawh nghal a, Ministry of Tribal Affairs atanga Tipa Centenery Higher Secondary School building sakna tur sanction hmuh tawh chungchanga Tipa 'V' khawtlang mipuiten lawmthu sawina inkhawm an buatsaih a hmanpui nghal bawk.

Social Welfare Minister Dr. Beichhua chuan vawiin vek khan COVID-19 hrileng avanga ramria duty tunhnaia boral ta, Khopai khua, Nelson K. Beizachhi a ral nghal a, Ex-MNA Association Aizawl, MNF District Headquarters Siaha leh YMA Branch Tuikhuahtlang Aizawl te pawhin ralna thilpek an hlan nghal.

Dr Beichhua hi Tipa-II bialtu MDC K Siakhai, HC Biakcheuva MDC, official leh party miten an tawiawm.