No.1004/2021-2022 

Aizawl 17th June 2021: Social Welfare Minister Dr. K. Beichhua chuan vawiin khan a office chamber-ah Pradhan Mantri Matru Vandana Yojana (PMMVY) kaltlanga nu naupai leh naupawm te hman tur, Women & Child Development Department buatsaih "Naupai Tana Chaw leh Hrisel" lehkhabu, Mask leh Infant Stimulation Chart te a semchhuak tan.

Semchhuah inkhawm hi  official te nen a office chamber ah neih niin, Minister Dr Beichhua chuan naupai leh naupawm te hriselna atan sorkar laipuiin programme tha tak a duan, PMMVY hi a nihna tur ang taka kalpui a nih chuan naupai hrisel lo a awm theih dawn lo tih sawiin, mipuiin a tangkai taka an hman a duh thu a sawi a. PMMVY implementation thatah Dr. Beichhua chuan Serchhip district in a zawnin All India ah pakhatna dinhmun vawi hnih lai a la tawh tih sawiin, thawktute fakawm a tih thu leh Mizoram tan a ni tih hria a,  thawktute chu theihtawp chhuah chhunzawm zel turin a chah nghal bawk.

PMMVY kalpui thatah hian Mizoram chuan tun dinhmunah India ram pumah pali-na dinhmun a hauh mek a ni.

PMMVY hi nu naupai leh naupawm te tana hamthatna  sorkar laipui schem a ni a, nu in nau a pai leh a pawm chhunga alo inenkawl na senso phuhruk nan Rs 5,000 a thlawna dawn theih na a ni a, Anganwadi Centre ah inziahluh tur a ni.

He scheme kaltlangin Mizoramah mi 23527 in tanpuina an dawng tawh a ni.

He hun-ah hian  Social Welfare Secretary Pi Sangchhin Chinzah, Women & Child Development Department Director Pi Lallianpuii leh midang tlemte an tel a ni.