Social Welfare Minister Pu P.C. Lalthanliana chuan vawiin chhun khan Lunglei-a Mizo Upa Pawl General Assembly vawi 35 na chu Art & Culture Auditorium Lunglei-ah a hmanpui.
Minister chuan Mizoram chhunga tar pension pek danah thil ennawn ngai engemaw zat a awm thu sawiin sorkar laipui ruahman angin tar, hmeithai leh pianphunga rualbanlote tan pension pawh tan zawk pek tura kalpui mek a ni a ti a. Hemi chungchangah hian MUP member-te chu sorkar hmalakna tawiawm leh finchhuah turin a sawm a. Mizorama sorkar thar lo piang ta chu mipuiten tawngtaia an dil chhuah, huapzo sorkar tur anih avangin upa te thurawn leh fuihna pawh a sawm a ni.
Minister chuan sorkar kum thar turah hian Mizoram Budget chu 25% zeta tih pun a beisei awm thu sawiin hei hian upa leh tar chak lote, hmeithai leh miretheite tan pawh thil chhenfakawm a thlen ngei a rin thu a tarlang bawk.
Vawiina MUP Assembly hi an Hqrs. President Pu Sanghlira Colbert in a kaihruai a, MUP Unit 137 atangin rorel palai 286 an tel a. Kum kalta chhunga an member boral ta mi 272 an sun. MUP Gen Hqrs. Lunglei hnuaiah hian member mipa 4291 leh hmeichhia 3037 an vaiin mi 7328 an awm mek a ni.
Minister chuan sorkar kum thar turah hian Mizoram Budget chu 25% zeta tih pun a beisei awm thu sawiin hei hian upa leh tar chak lote, hmeithai leh miretheite tan pawh thil chhenfakawm a thlen ngei a rin thu a tarlang bawk.
Vawiina MUP Assembly hi an Hqrs. President Pu Sanghlira Colbert in a kaihruai a, MUP Unit 137 atangin rorel palai 286 an tel a. Kum kalta chhunga an member boral ta mi 272 an sun. MUP Gen Hqrs. Lunglei hnuaiah hian member mipa 4291 leh hmeichhia 3037 an vaiin mi 7328 an awm mek a ni.
