No.5608/2020-2021

Aizawl, the 30th September 2020 : Vawiin khan Social Welfare Department hnuaia Women & Child Development Department chuan Rashtriya Poshan Maah (National Nutrition Month) 2020 kharna programme SAD Conference Hall ah an buatsaih a. Social Welfare changtu Minister Dr. K. Beichhua’n he hun hi a hmanpui a ni.

Minister Dr. K. Beichhua chuan March 2018 atanga he programme kalpui tan atangin tun ngaihtuahin Mizoramin hma a sawn hle nia a hriat thu sawiin heng hmalakna leh hlawhtlinna lo lang te chu faktlak nia a hriat thu a sawi a. 2015-16 a NFHS IV a Stunting (naupang than thu) za zelah 28 ni thin chu ICDS Report March 2020 ah chuan za zelah 7.53 ah a tla hniam a; NFHS IV a Underweight (an kum bi aia zang naupang) za zelah 11.9 ni thin chu ICDS Report March 2020 ah chuan za zelah 1.7 ah a tlahniam a; NFHS IV a Wasting (An kum mil a naupang thang tha lo) za zelah 6.1 ni thin chu ICDS Report March 2020 ah chuan za zelah 0.5 ah a tlahniam tiin a tarlang a. 2019 a Mizoram Infant Mortality Rate 15 ni thin chu 2020 ah chuan 5 ah a tlakhniam thu te pawh a sawi lang bawk a ni.

Minister Dr. K. Beichhua chuan COVID hripui len lai karah pawh theihtawp chhuahin Department a thawktu staff te leh officer te leh an thawhpui Line Department dangten nen thawhhona tha neiin Rashtriya Poshan Maah chu hlawhtling takin an kalpui thei chu lawmawm a tih thu a sawi a. Heng an thawhona ah hian field worker-te, Anganwadi worker-te, District a thawktu zawng zawng te leh Department dangte, a bik takin Health & Family Welfare Department hnenah lawmthu sawiin, Poshan Maah chu thla khat chauh nih mahse National Nutrition Mission thil tum te chu a hlawhtling zel thei nan tha thlah lovin hma la zel turin a chah a ni.

Hun kaihruaitu Pu H.L. Rochungnunga, IAS, Commissioner & Secretary, Social Welfare Department chuan Rashtriya Poshan Maah thil tum tlangpui te a sawi a. Pi Zonunpari Sailo, State Nodal Officer, POSHAN Abhiyaan, Women & Child Development Department chuan Poshan Maah thla khat chhung an hman ah, hmalakna hrang hrang an neih te presentation hmangin a sawifiah a. Pi Vanlalpianpuii, Director, Women & Child Development Department in lawmthu sawiin hun khar a ni.

Rashtriya Poshan Maah (National Nutrition Month) hi kum 2018 ah tan niin Sawrkar Laipui Flagship Programme pakhat a ni a. A thil tum ber chu naupang te, nu naupai mek te leh hnute hne lai fa nei mekten ei tur tha an hmuh theihna hma lak leh a tul anga an mahni te eitur tha pek a ni.

Attachment

  • Loading attachment...