2047/2025-2026

Dated Aizawl: the 03 November 2025 : Vawiin khan Social Welfare, Women&Child Development Department etc. Minister Pi Lalrinpuii chuan Aijal Club-ah, Asian Development Bank buatsaih ‘Workshop on Assistive Care and Technology for inclusive Health&Social Care System’ chu khuallian niin a hawng.

Hawnna inkhawmah hian khuallian Social Welfare, Women&Child Development Department minister Pi Lalrinpuii chuan thusawiin, Workshop hlawhtling taka buatsaih a ni thei tur chu lawmawm a tih thu a sawi a. Workshop chu Sawrkarin a hman mek MUHCS nena inhne rem tur tak a nih mai bakah pianphunga rualbanlote tana puitu leh an hmasawnna kawnga tha thawh thei tura inchher hriamna atan hman tum turin kalkhawmte chu a chah a. Mizoram sawrkar ang pawhin ADB chu sawrkar thawhpui hlun leh rin tlak tak, sum leh pai mai ni lo a taka chet chhuah thlenga sawrkar thawhpuitu a ni leh zel thei chu lawmawm a tih thu tarlangin, workshop chu hlawhtling taka hmang theuh turin kalkhawmte chu duhsakna a hlan nghal bawk a ni.

 Vawiina hun hmanah hian Health Department leh Social Welfare, Women&Child Development  Department hotute bakah, Rural Development Department leh Workshop-in a kaihhnawih Mizoram  Sawrkar hnuaia Department hotute chu kokim takin an tel  a. Hawnna hun hi Pu Nishant Jain, Senior Health  Specialist, Human and Social Development, ADB chuan kaihruaiin kalkhawmte lawmna thu a sawi a.  Pi Lalzarmawii, Commissioner&Secretary, Social Welfare, Women&Child Development Department  chuan Workshop thupui leh a kaihhnawih dan hrang hrangte a sawizau a. Pu Vivek Kumar Tripathi,  Addl. Secretary, Health&Family Welfare chuan thu a sawi bawk a. Pi Vanlaldiki, Commissioner,  Persons with Disability GOM, chuan lawmthu sawiin, hawnna hun hi a titawp a ni.