Social Welfare Minister Pu PC Lalthanliana chu kar kal ta khan zan 4 thanga a bial khaw hrang hrang a tlawhin Inrinni kal ta khan Aizawl a lo thleng leh a. A zin chhung hian Bualpui ‘V’, Chhipphir, Zote ‘S’ leh a bial chhunga khaw thenkhat te a tlawh a ni.

Ni 9.12.2011 (Zirtawpni) khan Bualpui ‘V’ leh Lungmawi khaw inkar 8KM a thui; engtiklai maha motor kal thei tur pawha ngaih loh chu Social welfare Deptt. bultuma kawng laih hna kal mek a tlawh a. Chhippir khuaah Social Welfare Dept. Godown sak te, sorkar laipui ruahman anga thingtlang mite tana infiamna PYYKA Sports neih mek te, Centenary Govt. Middle School II-a Class 8 building sak te, BNRGSK building sak zawh tawh te pawh a en nghal a ni.

Social Welfare Minister hian Chhipphir khuaa sorkar hnathawk leh khawtlang hruaitute pungkhawm hmaah thu sawiin sawrkar hnathawk hlawh leh NLUP sum pawh pawlh theih a ni lo, a ti. Tunlaiin mi tam takin sorkar hnathawk te hlawh tur pawt penga NLUP sum chantir anga an sawi thin chu mi rethei dawmchhuahna tura a zarzotu turte itsikna ni hiala a ngaih thu a sawilang bawk.

Ni 10.12.2011 (Inrinni) zingah Zote ‘S’ lamah lo hawin Thenzawl leh Zote ‘S’ inkar kawng rualremlo lutuk te tih ziaawm dan tur bialtu PWD hotute a sawipui nghal bawk a ni.