Nimin chawhma dar 10:00 am khan ni hnih awh tur Socio-Economic Caste Census 2011 Training vawi khatna Lawngtlai District chhunga Enumerator turte pualin BNRGSK Conference Hall, Lawngtlai BDO Complex-ah neih a ni a. Training hawnna hi Pu T. Vanlalmalsawmsanga, Lawngtlai BDO in kaihruaiin Pu B. Lalhmingthanga, Lawngtlai DC chu Khuallian a ni.

He training hmanpuitu Lawngtlai DC Pu B.Lalhmingthanga MCS chuan thu sawiin Enumerator leh Supervisor te chu an mawhphurhna leh an hlutzia hriaa mi harsa tak tak te an lo dinchhuah theihna tura felfai tak leh uluk taka thawk turin a sawm a. He census-a thawktu turte chu duhsakna hlanin training hi a hawng a ni.

Lawngtlai District Nodal Officer Pu Thangchem Zathang MCS, Project Director, DRDA Lawngtlai pawhin training hawnnaah hian thu a sawi bawk a. Master Trainer atana ruat Pi Lalramliani leh Pi Carolyn MS Bunghai ten training an pe a ni. Census-ah zirtirtute hman theih an nih tawh loh avangin VLW leh VLA ten an thawk dawn a ni. He Census hi December ni 10-a zawh hman tura tih a ni a, he Census atan hian Lawngtlai (Rural) chu Block 38 ah then niin, Block 6 ah mihring an awm tawh loh avangin Block 32 ah census hi neih a ni ang.