Information & Public Relations Department hnathawkte chuan vawiin khan an office ah meeting neiin office hun vawn dik leh inthununna kenkawh chungchanga infuih tharna an nei.
Meeting kaihruaitu Pu L.R.Sailo, Director chuan sorkar thar-in office inrelbawlna kawngah hun vawn dik te, inthununna te a ngai pawimawh dawn tih sawiin I&PR department hnuaia officer leh staff te chu hemi kawngah hian nasa zawka tan la thar tur leh mahni hnaa rinawm turin a fuih a. Chumi rualin mihring nihna inzah tawn sak thiam leh harsatna in hriatthiam sak thin hian invau leh invin aiin thawhhona boruak tha a thlen zawk fo tih sawiin officer te chu an hnuaia thawkte chunga inlek mai lovin, dawhtheihna leh thatna nen staff te enkawl tur leh an zah phu tlaka mahni invawng turin a chah bawk a ni.
Pu L.R. Sailo chuan a service hun tawp mai tur sorkarin thla 6 dang a pawhsei sak chu lawmawm a tih thu sawiin hemi hun chhung hian amah thlaktu tur hnenah mawhphurhna tam zawk pek a tum thu te, department hmasawnna turin rawtna leh fuihna tam zawk siama tangkai taka a hun hnuhnung chu hman a tum thu a sawi a. A service chhunga chawimawina hrang hrang a dawn te chu ama mimal thawh rah ni lovin a thawhpuite tawiawmna leh amah ruaitu sorkar thatna vang zawk a ni, a ti a. Officer leh staff te chu sorkar rawih an nih ang taka sorkar lo ding apiang tan rinawm taka thawk turin a fuih bawk a ni.
Meeting ah hian Jt.Director Pu Jim K.Chozah pawhin Chief Minister leh Chief Secretary ten tun hnaia Group A officer te meeting an neihpui tuma an thuchah te chu a sawi nawn a. Sorkar hotute duh dan angin office hun vawn dik leh inthununna khauh zawka kalpui chu he department pawh hian a ngai pawimawh dawn a ni, a ti.
Pu L.R. Sailo chuan a service hun tawp mai tur sorkarin thla 6 dang a pawhsei sak chu lawmawm a tih thu sawiin hemi hun chhung hian amah thlaktu tur hnenah mawhphurhna tam zawk pek a tum thu te, department hmasawnna turin rawtna leh fuihna tam zawk siama tangkai taka a hun hnuhnung chu hman a tum thu a sawi a. A service chhunga chawimawina hrang hrang a dawn te chu ama mimal thawh rah ni lovin a thawhpuite tawiawmna leh amah ruaitu sorkar thatna vang zawk a ni, a ti a. Officer leh staff te chu sorkar rawih an nih ang taka sorkar lo ding apiang tan rinawm taka thawk turin a fuih bawk a ni.
Meeting ah hian Jt.Director Pu Jim K.Chozah pawhin Chief Minister leh Chief Secretary ten tun hnaia Group A officer te meeting an neihpui tuma an thuchah te chu a sawi nawn a. Sorkar hotute duh dan angin office hun vawn dik leh inthununna khauh zawka kalpui chu he department pawh hian a ngai pawimawh dawn a ni, a ti.
