Hun engemaw chen Lunglei District tlawh kuala zin Social Welfare Minister Pu PC Lalthanliana chuan thawhtanni kal ta khan dam takin Aizawl a lo thleng leh ta.

Lunglei lama a zin chhung hian Haulawng leh Mualthuam ‘N’ khuate tlawhin heng khuaa sorkar hnathawkte chu an hnaa rinawm turin a fuih. Thingtlang khaw te deuhva sorkar hnathawk thenkhat te chu sorkar mi leh sa an nih pawh hriat loh khawpa huan lo ram enkawla inhmang an awm thin tia sawiin ram hmasawnna tak tak chu sorkar hnathawkte inpeknaah a innghat a ni, a ti a. Develoment department PWD/P&E/Forest/Horticulture/Minor Irrigation etc. ami te lek phei chu thingtlang hmasawnna khawihtu tak tak an nih avangin a beisei pawh a sang zual a ni, a ti. Ram hmasawnna bul ber pakhat zirlaite kawng dika hruai a pawimawh thu sawiin Education Dept. pawh thuam chak mek zel an nih thu Minister hian a sawilang bawk.