1758/2025-2026

Aizawl, 20.08.2025: Commerce and Industries Department buatsaihin vawin khan “Workshop on Promotion, Development and Empowerment of MSME’s in Mizoram” chu Dawrpui Multipurpose Hall-ah neih a ni a. Workshop Chief Secretary  Pu Khilli Ram Meena chu chairman niin, Sorkar laipuia Ministry of MSME Secretary Pu S.C.L. Das chu co-chairman a ni.

He workshop hi mahni kutkawiha micro, small & medium enterprises din a eizawngtute tan Ministry of MSME hnuaia scheme hrang hrangte inhrilhriatna leh sawihona a ni a. Entrepreneur mi 70 bawr vel an tel a ni.

Union Secretary Pu S.C.L. Das chuan MSME kalpui danah Sorkar laipui chuan State in hma a lak meknate a theihna laia tihchak a hmalakpui a nih thu a sawi a. India ramah leh a bik takin thalai hnathawk rual an tam chu ram vanneihna anih thu sawiin, potential tha taka awm chu haichhuah a nih a, kan thlen theih sang ber thleng turin thiamna hman tlak tak tak zirchhuak a, a taka tangkaia hman thiam a pawimawh thu a sawi a. Chutihrual chuan tih thin dan pangngai a kal a, theihna nasa zawk kan chhuah thin loh chuan hmasawnna dangdai hmuh a har tih hre reng turin kalkhawmte a chah a ni.

Chief Secretary Pu Khilli Ram Meena chuan vawiin workshop atang hian sorkar laipuiin state a ngaihsakna a lan thu sawiin, hunk al zel turah pawh nasa zawka mipui eizawnna kawnga thiamna inpek leh inpuih a tulna dangahte pawh sorkar laipuiin state-te a kaihhruai zui zel a beisei thu a sawi a. Mizoram chu MSME lama tan lak na tlak a nih thu sawiin, state flagship Handholding scheme hnuaiah pawh MSME activities tam tak a tel thu a saiw bawk.

Vawiin workshop ah hian Dr. Lalzirmawia Chhangte, Commissioner & Secretary, C&I chuan kalkhawmte lawmna thu a sawi a. Mercy Epai, Joint Secretary, MoMSME hnen atangin “Overview of Schemes of Ministry of MSMEs” tih thupui hmangin thusawi ngaihthlak a ni a. Pu Ateesh Singh, Joint Secretary, MoMSME chuan “Credit and Finance for MSME and Issue of Delayed Payments” chungchang sawifiahn a a nei bawk. Hemi hnu hian sawihona neih chhunzawm a ni.