Transport Minister Pu P.C. Zoramsangliana chuan, sawrkar thar Pu Lal Thanhawla kaihhruai chuan mirethei te tan inchhanchhuahna Jubilee dar a vaw ta a ni, tiin vawiin khan Kolasib Diakkawna amah lawmtu mipuite chibai a hlan.
MLA-a thlan tlin a nih hnua a bial, Kolasib constituency mipuite hnena lawmthu sawi turin vawiin khan Pu P.C. Zoramsangliana chuan Kolasib a thleng a. Kolasib Diakkawn-a amah hmuahna inkhawmah thuchah sawiin Minister chuan, sawrkar tharah chuan mirethei te hi kan VIP turte an ni a, tuma tan inthlahrunna tur a awm lo a ni, a ti a. Rem leh rem lova tling lo inlak talh te a thiang tawh dawn lova, dik leh tling ngaih pawimawh an ni ang a, Dikna-in kan ramah ro a rel tawh dawn a ni, a ti. “Dik leh fel taka ram leh mipui rawng ka bawl theih nan mipui ten min tawngtai sak rawh u” Pu Ramsanga chuan a ti a ni.
Minister chuan, Kan thutiam te ti hlawhtling turin theihtawp kan chhuah dawn a. Sawrkar hmasa in leiba cheng vaibelchhe 3500 lai min hnutchhiah mahse theih tawp kan chhuah dawn a. Tunah pawh tun kum kal lai March 31 thlenga hman theih turin pawisa vaibelchhe 60 central in ‘thilpek’ min pe a ni, a ti. Kan Chief Minister Pu Hawla kaltlangin malsawmna tamtak Zoramah a lo luanglut dawn a, heta tan hian sawrkar laipui chuan cheng vaibelchhe 600 budget-ah a dah dawn a. Mi dik tan din chhuahna, diklo tan Jail hial tan theihna a nih dawn avangin trade thlan turah pawh fimkhur a ngai a ni, a ti a ni.
Pi Zoramthangi Hauhnar, AddL D.C. chuan Minister lawmna inkhawm hi a kaihruai a. Lawmna pangpar Kolasib-a Deptt. hrang hrang te, Kolasib Congress Block/Unit/Mahila, NGO te leh MJA ten an hlan a. Minister hi a nupui Pi Lalthlamuanin a tawiawm a. Pu Boichhingpuii, Director, Art & Culture, Pu C. Lalthankhuma, Director, Transport leh Pu R. Liankima, Controller, Printing & Stationary ten an tawiawm a ni. Minister hi zaninah Kolasib-ah riakin naktukah Pangbalkawn, Meidum leh Bairabi te a tlawh ang.
Minister chuan, Kan thutiam te ti hlawhtling turin theihtawp kan chhuah dawn a. Sawrkar hmasa in leiba cheng vaibelchhe 3500 lai min hnutchhiah mahse theih tawp kan chhuah dawn a. Tunah pawh tun kum kal lai March 31 thlenga hman theih turin pawisa vaibelchhe 60 central in ‘thilpek’ min pe a ni, a ti. Kan Chief Minister Pu Hawla kaltlangin malsawmna tamtak Zoramah a lo luanglut dawn a, heta tan hian sawrkar laipui chuan cheng vaibelchhe 600 budget-ah a dah dawn a. Mi dik tan din chhuahna, diklo tan Jail hial tan theihna a nih dawn avangin trade thlan turah pawh fimkhur a ngai a ni, a ti a ni.
Pi Zoramthangi Hauhnar, AddL D.C. chuan Minister lawmna inkhawm hi a kaihruai a. Lawmna pangpar Kolasib-a Deptt. hrang hrang te, Kolasib Congress Block/Unit/Mahila, NGO te leh MJA ten an hlan a. Minister hi a nupui Pi Lalthlamuanin a tawiawm a. Pu Boichhingpuii, Director, Art & Culture, Pu C. Lalthankhuma, Director, Transport leh Pu R. Liankima, Controller, Printing & Stationary ten an tawiawm a ni. Minister hi zaninah Kolasib-ah riakin naktukah Pangbalkawn, Meidum leh Bairabi te a tlawh ang.
