MLA nilai boral ta, Pu B.Lalthlengliana chu vawiin khan a chenna in Aizawl Bethlehem Vengah sorkarin Rs.10 lakhs in a ral. Ralna hun hi Mizoram Legislative Assembly Speaker Pu R.Romawia’n a kaihruai a ni.

Speaker Pu R.Romawia chuan Pu Thlenga ralna hi sorkarin hun remchang a dap avanga ti hma theilo an nih thu a sawi a. Inralna hi thil tih nuamlo tak, tih ngei ngei ngai si a ni, a ti a. Inralna, death gratuity Rs.10 lakhs hi sorkar dan dinglai anga tih anih thu a sawiin, tum thum ni tawh MLA te pension zat chu thla khatah Rs.25,000/- leh tum hnih aia tlemte pension zat chu Rs.20,000/- a ni, a ti a. Family pension erawh Rs. 10,000/- chawhrual a ni, a ti.

Assembly House Leader Chief Minister Pu Lal Thanhawla pawhin thusawiin, sorkar hotute remchan tlan hun tur ngaihtuah avanga ralna hun a tlai chu pawi a tih thu a sawi a. Pu Hawla chuan Pu B.Lalthlengliana chu an mi hriat chian tlan a nih thu a sawi a, kawm ngeihlo pawh kan awm lova, uilo reng reng kan awmlo a ni, a ti a. Mi tha chungchuang, mi fel leh mi ropui, thenrual kawm thiam tak a ni, a ti a. Opposition-a an awm laia Cabinet Minister anih lai tein sawisel tur leh han beihna tur hi kan hrelo reng reng a ni, a ti. A chhungte chu an sorkar chhung na na chuan inthlahrung lova, inpawh taka awm turin a sawm a ni.

Ralna sum hi Pu Ngurthanzuala, Secretary, Mizoram Legislative Assembly in Pu B.Lalthlengliana nupui hnenah a hlan a ni.

Pu Thlenga ralna hunah hian MLA hman remchang apiang chu an tel vek a, Assembly Secretariat-a Officers te pawh an tel kim hle a ni.