4583/2024-2025

Dated Hnahthial, the 8th March, 2025: Vawiin khan South Tuipui bialtu MLA Pu Jeje Lalpekhlua chuan Hnahthial atanga Tuchang panna tur 'Nghavarh Link Road' laih mek leh MLA Fund hmanga hnathawh thenkhat a tlawh. 

Pu Jeje Lalpekhlua chuan Mizoram sorkar-in kuthnathawka ei zawngte a ngaih pawimawh vangin he kawng pawh hi lai tura hma la an nih thu a sawi a. Tuichang lui behchhana kut hnathawka eizawngten awlsam zawka an thlai thar chhuahte an lak chhuah theihna atan mai bakah Tuichang Tiau leh Balu lakna atan a tangkai hle dawn an ni tiin hnathawktute chu tha taka thawk turin a chah nghal a ni. 

Pu Jeje Lalpekhlua chuan MLA Fund hmanga Model venga kawng pawimawh tak, PCC Paving  hnathawh mek chu a tlawh nghal a. An hmanraw hman te pawh tha thawkhata a hriat thu sawiin tha taka hna thawk zel turin thawktute chu a chah nghal bawk a ni.

He hunah hian Bialtu MLA hi Hnahthial South-I Village Council member te'n an tawiawm a ni.