No.2637/2021-2022
Aizawl the 18th October, 2021: National Highway 54 kawng laih zauh leh siam that hna thawh mek a ni a. Tlungvel leh Phulmawi khaw inkar, Tlungvel Quarry chu lunghalna leh khawl lian tak tak nena beih ngai a ni a. Kawng hmangtute him nan leh hnathawktu ten tluang tak leh ngawrh taka an thawh theih nan SP, Aizawl chuan ni 19.10.2021 atanga hman tan turin, ni 30 (sawmthum) chhung zantin dar 11:00 PM atanga a tuk zing dar 05:00 AM thleng (darkar 6 chhung) NH54 hi Tlungvel leh Phulmawi inkarah tlan theih lohva khar a ni tih thupek a tichhuak a. Hemi hunchhunga Aizawl atanga Serchhip pan tur leh Serchhip lam atanga Aizawl rawn pan te chuan Khumtung - Paikhai - bypass kawng lama tlan tura hriattir leh ngen an ni.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang.