Lunglei khawpui chhungah Lirthei a punga, mipui leh ke-a kalte an pung bawk a, kawngpui a zau tawk lo bawk si a, Lunglei khawpui chhungah traffic control leh management chungchang ah rawtna thehluh hrang hrang te ngun taka enfiah hnu ah Dt 7.6.2019 chawhnu dar 2 :00PM ah Lunglei High Powered Committee Vice Chairman Office ah helama mawhphurtute nen ngun taka sawiho a nih hnu ah hmalakna hmasa atan, Government of Mizoram Notification No.B.12012/10/04TRP Dt 25/9/2007 leh Section 115/116 of Motor Vehicle Act, 1988 (Act No.59 of 1988) in thuneihna a pek ang in Superintendent of Police, Lunglei District Lunglei chuan Lunglei khawpui chhung ah mipui vantlang leh lirthei che vel tana that tlan zawkna a nih beisei in a hnuai a tarlan ang hian thupek a chhuah a ni.

1. Hmar lam atanga chhim lam pan a lirthei LMV chin hnuailam (LPK 407 huam tel lovin), lokal te Kikawn atangin Parallel Road ah zing lam dar 8:00 atanga tlailam dar 6:00 inkar chhung kal vek tur a ni ang. Hemi hun chhung hian Parallel Road ah chhim lam atanga hmar lam (Kikawn Junction) pan a kal phal a ni lo.

2. Sawia Pont Bazarveng atangin Parallel Road ah hmar lam pana tlan phal a ni lovang. Hemi point atanga main road lama chhuah chhoh erawh phal a ni.

3. RTP Cinema Hall hlui bul kawng peng ah hian eng lirthei mah Parallel Road lam pan in kal phal a ni lo a, Parallel Road atanga kawngpui pangngai (Main Road) lam pan a chhuah chhoh erawh phal a ni.

4. BCM Bazar Veng Biakin bul kawng peng atangin eng lirthei mah Parallel Road lam pan in kal phal a ni lo a, Parallel Road atanga kawngpui pangngai (Main Road) lam pan a chhuah chhoh erawh phal a ni.

5. Chhim lam atanga Hmar lam (Kikawn Junction) atangin lirthei MMV leh HMV (LPK 407 huam tel in) Chhim lam pan a kawngpui pangngai (Main Road) ah kal phal a ni ang.

6. Zing lam dar 8:00 atanga tlai lam dar 6:00 inkar chhung hian Kikawn Junction atanga Kikawn tlang lam pan a chhoh khap a ni a, Kikawn tlang kal tur te chu Bazar Veng Biakin bul atanga kal vek tur a ni.

He Motor tlan dan thar tura ruahman hi Dt 21 June 2019 atanga hman tan tur a ni a, hun engemawti chhung enchhin phawt hnu ah a that dan tur ber ang a ruahmanna felfai zawk siam leh tur a ni.