3986/2024-2025

Dated: Mamit the 27th of January, 2025: Mizoram leh Tripura inkalpawhna Langkaih Lei (Bridge) thar dawh tura hmalakna kal zelah Kheva kai, Kanhmunah Autorickshaw Plyable Suspension Bridge dawh a ni a, he suspension bridge hi 6 ft. chauh a zau a niin a load lak theih pawh a chaklo hle a. Mipui te kan him tlan zawkna atan zawh/kal thei chin bithliah tul a hriat a nih avangin Pu Pukhraj Kamal, IPS, Superintendent of Police, Mamit District chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin  Kheva kai, Kanhmun a Autorickshaw Plyable Suspension Bridge chu Lirthei leh Mihring tan zawh/kal dan tur hetiang hian ruahmanna siam a ni.

Lirthei kal phal chin- Auto Rickshaw chin hnuailam tan vawi khat ah pakhat zelin

Mihring tan - A rual in mi 20 (sawmhnih) aia tam lo.

Load Capacity- 1.5 MT chin hnuailam.

He thupek hian Dt.24.1.2025 atanga Dt.22.2.2025 thleng a huam ang a. Thupek ngaipawimawh turin mipuite kan in ngenin kan inhriattir a. Thupek zawmlo te chu 179 MV Act hmanga hrem an ni ang.