2438/2025-2026

Dated, Mamit the 28th of November, 2025 : Mizoram leh Tripura inkalpawhna Langkaih Lei dawh mek a nih avangin mipui lam harsatna sutkianna atan Kheva kai, Kanhmun ah Auto-Rickshaw kal theihna Suspension Bridge dawh a ni a. He suspension bridge hi 6 fl. chauh a zau a niin a load lak theih pawh a chaklo hle a. Mipuite kan him tlan zawkna atan lirthei leh mihring kal dan tur ruahmanna siam a tul a.

Chuvangin, Pu Manny Bhushan Singh, IPS, Superintendent of Police. Mamit District chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No B.12021/10/2004-TRP DL 01.06.2020 in thuneihna a pek angin Kheva kai, Kanhmuna Suspension Bridge-a lirthei leh mihring kal dan tur a hnuaia mi ang hian thupek a chhuah.

1. Lirthei kal phal chin :- Auto Rickshaw chin hnuai lam, tum khatah pakhat zelin

2. Mihring kal phal chin: Tum khatah mi 20 aia tamlo.

3. Load Capacity: 1.5 MT chin hnuailam.

He thupek hi thupek chhuah atanga hman tan nghal tur a ni ang.

Kan him tlanna tur a nih avangin thupek ngaipawimawh turin mipuite kan in ngenin kan inhriattir a. Thupek zawmlo te chu 179 MV Act hmanga hrem an ni ang.