152/2026-2027

Dated: Mamit the 15th of April, 2026 : Lengpui atanga Saiphal Bamboo Plantation (41 Km) chu Nidhi Creative Infrastructure Pvt. Ltd. ten concrete pavement-a siam hna an thawk mek a. Kawng tha zawk leh tlo zawk kan neih theih nan hun engemaw chen chu lirthei in zawhlo se tha a hriat a ni a.

Chuvangin, Pu Manny Bhushan Singh, IPS, Superintendent of Police, Mamit District chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No. B.12021/10/2004-TRP Dt. 01.06.2020 in thuneihna a pek angin W.Serzawl peng (Ch-14.00 Km) atanga Saiphal bridge (Ch-36.00 Km) thlengin Lirthei kal khapna thupek a chhuah.

He thupek hian 14th April, 2026 atanga 28th April, 2026 thleng a huam ang. Hetih rual hian light vehicle tan chawlhkar khat chhungin ni khat kal theih tura hawn thin a ni ang.

Kawng tha zawk kan neih theihna tur a nih avangin thupek ngaipawimawha zawm theuh turin mipuite kan in ngenin kan inhriattir a. Thupek zawmlo te chu 179 MV Act hmanga hrem an ni ang.