MG Road (Upper Khatla) Baptist/Bible House area a leikhi a awm avanga SP, Traffic Notification lo tihchhuah tawh vide No. RO/TRF/SP-Noti-7/08/1535- Dt. 9.12.2016 a tarlan anga Aizawl Chhim lam pan tur lirthei lian (HMV) rit phur tlan dan ruahmanna a lo chhuah tawh chu Pi Pangi peng kawngpui siam zawh anih tawh avangin a hnuaia tarlan ang hian ruahmanna thar siam a ni e.

Lirthei lian (HMV) rit phur Aizawl Chhim lam pan tur reng reng te chu Treasury Square to Sikulpuikawn via Pi Pangi peng, Upper Republic kawngpui ah an tlan ang a. Lirthei lian (HMV) te Aizawl khawpui chhung an lo luh theih hun Zan dar 7:00 atanga Zing dar 8:00 inkarah Treasury Square to Sikulpuikawn via Pi Pangi peng inkar kawngpui sirah lirthei eng chi mah dah phal a nilo.

Hei hi ni 13.12.2016 atanga thuleh awm hma chu hman a ni ang.