Kan hriat theuh angin Aizawl khawpui chhungah mipui leh lirthei chi hrang hrang che velin pun lam a pan zel a, Aizawl Traffic Police-ten theih tawp chhuahin an theih ang ang in hah takin hna an thawk reng chung pawhin Traffic dan hre tawklo leh ngaipawimawh tawklo lirthei khalhtu dan bawhchhia an la tarn viau zel a. Kum 2014 leh kum 2015 chhunga lirthei dan bawhchhe zat chu hetiang a ni :

Kum 2014 chhunga lirthei dan bawhchhia man zat chu 9533 niin Pawisa chawitir zat chu Rs. 2,730,800/- a ni a. Kum 2015 chhunga lirthei dan bawhchhe zat chu 17726 niin Pawisa chawitir zat chu Rs. 3,954,650-/. Heng hremna Pawisa te hi Government account-ah chhunluh zel a ni.

SP Traffic chuan Traffic Police ten mipui him nan theih tawp an chhuahin fimkhur tura inzirtirna (Traffic awareness) lam pawh an kalpui reng chungin Traffic dan bawhchhia man ngai an la tam thei reng chu a pawi hle a, lirthei khalhtute Traffic dan zah a, ngai pawimawh leh zual tura ngenin, mipui tupawhin Traffic dan bawhchhia te hi Traffic Control Room (0389-2322037) ah report hrehlo turin a ngen nghal bawk.

Lirthei chetsualna leh Traffic dan bawhchhia ven nan heng a hnuaia tarlan bik Traffic dan bawhchhiate chungah khauh leh zuala hmalaturintun hnaiah "Supreme Court Committee on Road Safety" pawhin a hnuai ami ang hian thuchhuah (direction) asiam.

1. Lirthei tlan chak lutuk leh Traffic Signal zawm lova tlan tlanglui (Red Light Jumping).

2. Bungraw phur chi lirthei ah Overload-a bungrua phurh leh bungrua phur chi lirthei a passenger phurh.

3. Zu leh Drugs rui chunga lirthei khalh.

4. Mobile Phone hmang chunga lirthei khalh.

Heng a chunga tarlan dan bawhchhia driver te hi vawi khat man na ah an Driving License thla thum Suspend nghal theih a ni a, a theih chin chinah Traffic Police pawhin tun aia khauh lehzualin ni 18.4.2016 atangin hmalak an tum dawn a, lirthei khalhtute leh neitute fimkhur turin an ngenin an hriattir lawk a ni.