Mizoram State Sorkar Notification No.B. 12021/10/04-TRP Dt.22.8.2008 leh Section 1 15 of MV Act, 1988-in thuneihna a pek angin Aizawl Municipal Corporation leh Aizawl Traffic Police ten ngun taka ngaihtuah ho hnuah Superintendent of Police, Traffic Aizawl City chuan mipui kea kal leh lirthei hmangtute an him tlan zawk nan leh kawngkama chawhmeh zuar leh a dawrtu mipuite an him zawk nan Inrinni (Saturday) bikah Temple Square atanga Tennis Court inkar lirthei tlandan tur (One Way) ruahmanna thar hetiang hian siam a ni.

Inrinni (Saturday) Zing dar 5:30 atanga Chhun dar 12:00 inkar chhung chu Temple Square atanga Tennis Court lam panin lirthei eng chi mah tlan phal a ni lo. Tennis Court atanga Temple Square lam pan erawh chu a pangngaiin a kal ang. AOC, Congress Bhawan kawng chhuk a tlan te pawh Tennis Court lamah kal lovin Temple Square lamah kal tur a ni.

He thupek hi ni 26.8.2017 atanga thu leh awm hma chu hman tur a ni.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.