PWD, National Highway Division III te chuan Bawngkawn atanga Company peng inkar National Highway - 54 kawngpui final layer siam hna ni 21.02.2019 atanga an thawh tan avangin kawngpui sirah lirthei eng chi mah dah phal a ni lova. Kawngpui chanve chauh hman theih a nih dawn avangin kawng hmangtu te pawhin mi dang ngaichang chung leh fimkhur taka hnathawktute tibuai lo zawnga kawng hmang turin SP Traffic chuan a hriattir a ni. He thupek hian kawngpui siam that hna thawh zawh hma chu a huam ang.

He thupek hian chhiatrupna thil kangmei leh emergency kaihhnawiha duty leh dan leh thupek pawimawh bika duty-te chet velna a huam lo ang. He thupek hi a tul dan a zirin Traffic Police duty ten an tidanglam thei ang.