Pu R. Romawia, Mizoram Legislative Assembly Speaker chuan nimin June 4 khan Durtlang Higher Secondary School in an school atanga pawl 12 pass te chawimawina inkhawm an buatsaih chu a hmanpui.

 

 

Speaker chuan Durtlang khaw hruaitu hmasaten school hmun atan ram zau tak an zauh chu fakawm tiin vantlang mipui ten an chhawr theih tur High School leh Higher Secondary School hmun tha tak a awm theih phah a ni a ti. Sawrkar in Education a ngaih pawimawh zia sawilangin Education Reform Commission te a din tawh thu sawiin Speaker chuan zirtirtute chu an fate kalna tlak school alo nih theihnan school tan thahnemngai taka thawk turin a chah.

Chawimawina inkhawm hi Pu Thangthuama,VCP Leitan in a kaihruai a, Pu Lallawmzuala, Secretary, Managing Board, DHSS in report a pe. Kum 2009 HSSLC Examination ah khan candidate 40 ah candidate 37 an pass a, pass percentage chu 92.5% a ni. Durtlang Higher Secondary School  hi kum 2003 khan Durtlang khawtlang hruaituten an din a ni a, kum 2008 ah Adhoc Aided status a hlankai a ni.