Nimin khan Assembly Speaker Pu R. Rommawia chuan Upate Ni puala Mizoram Upa Pawl Durltang Unit in Durtlang Middle Sikul III-a inkhawm an buatsaih chu khuallian niin a hmanpui.

Pu R. Rommawia chuan Upa te chu hnam ti zahawmtu an ni a tiin, thangthar ten upa te hlutna an hriat a tul thu a sawi. Rilru siamthat leh moral reformation Ram in a mamawh thu sawiin Speaker chuan Kohhran a thawhtu thinlung kan put leh YMA a tanpuitu thinlung kan put angte chu Sorkar lakah  pawh kan put a tul thu leh pu tura inzirtir a tul  thu a sawi. Mizo nunmawi - tlawmngaihna, huaisenna, tumruhna, thahnemngaihna leh rinawmna leh Kristian zetha vawnnuna, a taka lantir thin te chu hnam chawimawitu leh hnam hmangaihtu dik an nih thu a sawi. Speaker chuan harsa taka remna leh muanna hlu tak kan neih, vawnnun chhoh zel chu mi tin in kan tih makmawh a ni a ti.

Speaker hian MUP Durtlang Unit chu tanpuina Rs. 3000 leh No 50 a hlan a. Upate Ni lawm nan hian inkhawm zawha MUP member te chuan ruai an theh nghal a ni. October Ni 1 hi United Nations in Upate Ni ah a puan hnu a hman tan a lo ni.