Vawiin chawhma dar 11:00am khan  Mizoram Legislative Assembly Speaker Pu Hiphei chuan, Tipa 'B' ah kumin Independence Day puala  Football Tournament a champion  team, TSA ten an champion lawmna inkhawm-ah Khuallian niin a hmanpui.

Pu Hiphei chuan Tipa Zone Football team 24 zinga Tipa Sports Association (TSA) football club te a thiam ber nihna an changa theih chu ropui a tiin, a lawmpui tak zet thu a sawi.

Football Infiamna chu tunlai khawvela inelna leh indona ang hial a ngaih ni tawhin, Infiamna ( football)  a champion ni tur chuan , tih tak takna, ruihtheih thil chi hrang hrang leh  zuk leh hmuam a mi fihlim nih atul bakah,discipline​ tha tak nena beih fan fan atul thin a ni, a ti.

Speaker chuan vawiin a Tipa 'B' thalai infiam mi champion te hian Tipa zone a champion nih hi duh tawk mai lova, District,State leh International  thlenga ber nihna hauh turin taima leh zuala Football hi practice zel turin a chah hlawm a ni.

Vawiin champion lawmna programme- ah hian Tipa 'B' bialtu MDC leh Adviser to CEM Pu.K. Siakhai leh Pu. T.Lalrosiama President Tipa Zone Football Association te pawhin lawmpuina thu an sawi bawk.

Tipa 'B' mipui nawlpui tana buatsaih Champion ruai buatsaih chu kilho nghal a ni.

Speaker hi zanin hian Theiri khuaah ariak anga naktuk zingah Theiri chhuahsanin Aizawl apan ang.