Nimin chawhnu dar 2:00 khan Mizoram Legislative Assembly Speaker leh bialtu MLA nibawk Pu Hiphei chuan Tipa Playground-ah Vanbandhu Kalyan Yojana (VKY) Scheme hnuaia Mizo Traditional Games-2017, nimin 16/1/2017 atanga tan, ni hnih (2) chhung awh tur chu Khuallian niin a hmanpui a, infiamna a titha te hnenah lawmman a sem nghal bawk. He Traditional Games-2017 hi Ministry 0f Tribal Affairs te bultumin, Directorate of Sports & Youths Services , Gov't of Mizoram te hawihawt a ni.

He hunah hian thusawiin, Khuallian Pu Hiphei chuan, Sorkar laipuiin hnam hnufual zawk ten, kan Pi leh Pu te hun lai atanga kan infiamna chi hrang hrang leh kan intihhlimna thin te mangnghilh lova, kan thalai ten an chhawm nun zel thei nan hetiang programme tha tak a duang chhuak chu lawmawm a tih thu sawiin, Mizo infiamna chi hrang hrang te chhawm nung theihtu chu thalai te hi in ni, a ti. Traditional Games-2017 hi Mamit-ah hawihawt tawh niin, Tipa hi a vawi hnihna a ni a, District dangah pawh la hawihawt zel tur a ni. He mi kawnga hma la tu Directorate of Sports & Youth Services, Gov't of Mizoram chungah lawmthu Speaker chuan a sawi bawk. Ni 16 leh 17-a Traditional Games-2017-ah hian Mizo infiamna chi hrang hrang heng: Insaihruipawh, Insuk nawr, Kalchhek kal, Sairawkherh inperh siak, inKawi-bah leh Ketaminu intlan siak leh Arpa insual hmang te a intihsiakna neih a ni a. Lawmman hi infiamna tin-ah pakhatna atanga Palina(1-4 ) te hnenah certificate leh tangkafai hlan an ni.