872/2025-2026

Khawzawl, dated 20th June 2025: MZP Khawzawl Headquarters chuan vawiin khan Zaingen YMA Hall-ah Khawzawl khawpui chhunga HSLC leh HSSLC pass tharte lawmpuina leh a ti tha te chawimawina hun an buatsaih a, he hun hi Mizoram Legislative Assembly Speaker Pu Lalbiakzama chuan khuallian niin a hmanpui a ni. 

Speaker Pu Lalbiakzama chuan thu sawiin Khawzawla zirlai titha te thinlung taka a lawmpui thu a sawi a, an taimakna leh tumruhna fakin an nu leh pa te, zirturtu te leh khawtlang hruaitu te fak an phu hle tih a sawi. Zirlai chuan "Education is all round development" an tih thin hi hre reng turin a chah a, zirna in leh an thil zir zawng zawng hlutzia vawng reng turin a fuih. He hlawhtlinna atang hian hma sawn zel turin a fuih a, tum sang tak neia um zel turin a chah. MZP te chungah he hun ropui tak an buatsaih avangin lawmthu a hrilh bawk a, zirlaite chawikang zel turin a sawm bawk a ni. Zirlai te hnenah chuan ram tana tangkai leh chhawr tlak an nih ngei theih nan duhsakna sang ber a hlan bawk a ni.

Vawiina zirlaite lawmpuina leh chawimawina hun hi Pu R. Malsawmkima, Vice-President, MZP Khawzawl Hqrs. in a kaihruai a. Khuallian bakah hian Pu Rosangzuala, President, MZP Khawzawl Hqrs. leh Uaptu - Dr. C. Lalremruata, Vice-President, MZP Gen. Hqrs. ten thu an sawi a ni.
Vawiina zirlai ti tha lawmpui leh chawimawi zat :-
HSLC
Distinction :- 7
First :- 48
Second :- 63
Third :- 24
Total :- 142
HSSLC
Distinction:- 1
First :- 24
Second :- 33
Third :- 14
Total :- 72

Attachment

  • Loading attachment...