Vawiin chhun dar 12.00 khan Assembly Speaker Pu R. Romawia chuan Mizoram State Legislative Assembly Building Annexe thar, cheng nuai 850 senga sak chu a hawng.
He building hi 31.3.1999 khan Rs 430,44,500 senga sak tura pawm a ni a; 5.12.2001 khan contractor hnenah Rs 411,98,418.99 a sa tura pek a ni a; ruahman lawk ang chuan 20.9.2004 khan zawhfel hman tur a ni a. Nimahsela, building hlui thiat avang te, building chhawng zat tur tihpun a nih avangte leh rokhawlhna dang avangtein 31.2.2008 khan cheng nuai 850 senga sak zawh tura a senso hi ennawn leh remtih a ni. A building sak hna chu 31.12.2009 khan zawhfel a ni a; electric thlun hna leh mihring 8 zo tur inkhai chhuk-chhohna vuah hna nen 30.9.2010 khan hawn theiha peih a ni ta a ni. He building hian tehkualin metre 6109 bial a thut a, chhawng 8 a sang a ni. Chhawng I-IV thleng hian car leh two-wheeler dahna a awm a; chhawng V-VIII-ah hian Chief Minister room te, Speaker room te, post office te, conference hall mi 120 leng leh gallery mi 90 leng te, committee room 2 te, library te, dining hall-te a awm a ni.
He building thar hawnna inkhawm, Conference Hall thara neihah Speaker Pu R. Romawia chuan, " Kan ram rorelna sang ber nena inkaihhnawih leh kan mamawh tul tak, ram tana ro tling tur hawn theih a lo ni ta hi a lawmawm a. Mizoram Assembly hi state dang tam takin min awhna chu keimahnia sum leh pai thlenga budget hranpa nei a kan inrelbawl thei hi a ni a. Chutianga mahni ke-a ding thei tura ram hruaituten ruahmanna an lo siam rah chhuah tha tak chu he building thar hi a ni" a ti a. "Kan ram roreltute tana hmun thawl zawk leh tha zawk duhsakin hruaitu hmasaten bul an lo tan azara he building kan lo neih thar hi Assembly thil pawimawh leh sawrkar pawimawhah kan hman tangkai ka beisei a; vantlang puipunna ang chi atan erawh chuan kan kawmpui thiam a ngai ang" Speaker chuan a ti bawk.
Chief Minister Pu Lal Thanhawla chuan, "Democracy dik tak awmna ramah chuan legislature hian hmun pawimawh a chang thin a; chumi avang chuan Speaker leh Deputy Speaker office leh chutiang mawhphurhna chelhtute chu mipuiin an ngaisangin, an zah em em thin tih Mizoram mipuite pawhin kan hriat thar a tul tak meuh a ni" a ti a. Assembly Building Annexe thar tha tak chu hnam ro a nihna hria a, a luahtute leh a hmangtute zawng zawngin dimdawi tak leh thianghlim taka vawn a pawimawh thu sawiin, "Ram rorelna sang ber chu a zahawm ang bawkin a luahtute pawhin kan tizahawm tur a ni a; Mizoram-a kan office leh hospital te bakah, vantlang hmunhma kan tibawlhhlawh lutuk hian hnam dangte mit hmuhah kan hmel a timawi lo a ni" Chief Minister chuan a ti. Sawrkar sum senga ram rot ling tur siam leh enkawlna kawnga contractor-te leh mipuiten rinawmna leh dikna kan tlachham ta lutuk chu ngaihmawhawm a tih thu Pu Lal Thanhawla chuan sawiin, "Lammual-a phul lem phah pawh kan dim thiam lo hian thil tha nei thiam lo hnam angin min lantir a, thil tha nei thiam hnam nih hi Mizoten kan zir a tul hle. New Secretariat panna kawngpui khaw ro that em em laia a chim ringawt mai ang te hi hnam ang leh sawrkar ang pawhin a zahthlak a, hrem ngai chu indapchhuah zel a tul a ni" a ti.
Former Lagislators' Association of Mizoram (FLAM) president Pu K.L. Rochama pawhin legislature chu ram inrelbawlnaa hmun chungnung luahtu a nih thu sawiin, FLAM puala Assembly Building Annexe-a pindan lawilen remchang tak ruahmansak an nih avangin lawmthu a sawi.
Hun kharna atana lawmthu sawitu Pu Lalduhoma, MLA leh House Committee member ni bawk chuan "He Assembly Building thar hi Pathianin tisa lama malsawmna min pek tam tak zinga a chhuanawm ber pawl a ni a; ruahmanna siamtu sawrkar leh ram hruaitu hmasate leh tuna mawhphurtute zawng zawng chungah lawmthu kan sawi tak meuh a ni" a ti.
Vawiina Assembly Building Annexe thar hawnna inkhawm hi Deputy Speaker Pu John Rotluangliana chuan a kaihruai a. "Assembly building hmasa zawk hi hawnna inkhawm hranpa siam lovin kan luah a; tun tuma kan building thar tha tak hawnna inkhawm kokim taka kan nei thei hi Mizoram Assembly tan chuan a lawmawm hle a ni" a ti. Vawiina inkhawmah hian Minister te, Parliamentary Secretary te, MLA leh FLAM member-te an tel thahnem hle a ni.
He building thar hawnna inkhawm, Conference Hall thara neihah Speaker Pu R. Romawia chuan, " Kan ram rorelna sang ber nena inkaihhnawih leh kan mamawh tul tak, ram tana ro tling tur hawn theih a lo ni ta hi a lawmawm a. Mizoram Assembly hi state dang tam takin min awhna chu keimahnia sum leh pai thlenga budget hranpa nei a kan inrelbawl thei hi a ni a. Chutianga mahni ke-a ding thei tura ram hruaituten ruahmanna an lo siam rah chhuah tha tak chu he building thar hi a ni" a ti a. "Kan ram roreltute tana hmun thawl zawk leh tha zawk duhsakin hruaitu hmasaten bul an lo tan azara he building kan lo neih thar hi Assembly thil pawimawh leh sawrkar pawimawhah kan hman tangkai ka beisei a; vantlang puipunna ang chi atan erawh chuan kan kawmpui thiam a ngai ang" Speaker chuan a ti bawk.
Chief Minister Pu Lal Thanhawla chuan, "Democracy dik tak awmna ramah chuan legislature hian hmun pawimawh a chang thin a; chumi avang chuan Speaker leh Deputy Speaker office leh chutiang mawhphurhna chelhtute chu mipuiin an ngaisangin, an zah em em thin tih Mizoram mipuite pawhin kan hriat thar a tul tak meuh a ni" a ti a. Assembly Building Annexe thar tha tak chu hnam ro a nihna hria a, a luahtute leh a hmangtute zawng zawngin dimdawi tak leh thianghlim taka vawn a pawimawh thu sawiin, "Ram rorelna sang ber chu a zahawm ang bawkin a luahtute pawhin kan tizahawm tur a ni a; Mizoram-a kan office leh hospital te bakah, vantlang hmunhma kan tibawlhhlawh lutuk hian hnam dangte mit hmuhah kan hmel a timawi lo a ni" Chief Minister chuan a ti. Sawrkar sum senga ram rot ling tur siam leh enkawlna kawnga contractor-te leh mipuiten rinawmna leh dikna kan tlachham ta lutuk chu ngaihmawhawm a tih thu Pu Lal Thanhawla chuan sawiin, "Lammual-a phul lem phah pawh kan dim thiam lo hian thil tha nei thiam lo hnam angin min lantir a, thil tha nei thiam hnam nih hi Mizoten kan zir a tul hle. New Secretariat panna kawngpui khaw ro that em em laia a chim ringawt mai ang te hi hnam ang leh sawrkar ang pawhin a zahthlak a, hrem ngai chu indapchhuah zel a tul a ni" a ti.
Former Lagislators' Association of Mizoram (FLAM) president Pu K.L. Rochama pawhin legislature chu ram inrelbawlnaa hmun chungnung luahtu a nih thu sawiin, FLAM puala Assembly Building Annexe-a pindan lawilen remchang tak ruahmansak an nih avangin lawmthu a sawi.
Hun kharna atana lawmthu sawitu Pu Lalduhoma, MLA leh House Committee member ni bawk chuan "He Assembly Building thar hi Pathianin tisa lama malsawmna min pek tam tak zinga a chhuanawm ber pawl a ni a; ruahmanna siamtu sawrkar leh ram hruaitu hmasate leh tuna mawhphurtute zawng zawng chungah lawmthu kan sawi tak meuh a ni" a ti.
Vawiina Assembly Building Annexe thar hawnna inkhawm hi Deputy Speaker Pu John Rotluangliana chuan a kaihruai a. "Assembly building hmasa zawk hi hawnna inkhawm hranpa siam lovin kan luah a; tun tuma kan building thar tha tak hawnna inkhawm kokim taka kan nei thei hi Mizoram Assembly tan chuan a lawmawm hle a ni" a ti. Vawiina inkhawmah hian Minister te, Parliamentary Secretary te, MLA leh FLAM member-te an tel thahnem hle a ni.
Attachment
- Loading attachment...
